Kumno ban leh haba i kumba u Blei u jngai na ngi ??

 

Ka long kaba suk ban mane ia u Blei haba kiei kiei ki biang ha ka jingim jong ngi-ka bam, ki lok ki jor,ka iing ka sem, ka jingkoit jingkhiah, bad ka jingsngewbha ha baroh sawdong. Hynrei haba ki jingjia kim long kiba sngewtynnad lynter te ha kum katta ka por ngi kumno ngi mane ia u Blei? 

Kaei kaba phi leh haba phi i kumba u Blei u jngai na phi??

Ka jingmane ba jylliew tam ka long ban mane ban iaroh ia u Blei hapdeng ki jingmong, ban ainguh ia u Blei ha ki por ki jingtynjuh, ban shaniah ha u hapdeng ki jingpynshoi, ban pyndem lut ha ki por ka jingshahshitom, bad ban ieit ia u wat la ngi i ba u jngai.

Haba i kumba u Blei u long jngai, ngi lah ban sngew ba u Blei u bitar ia ngi lane ba u sympat ia ngi namar ka pop. Hynrei ha ka jingshisha ka pop ka dkhat noh ia ka jingiasyllok ba jylliew jong ngi bad u Blei. Ngi pynsngewsih ia u mynsiem jong u Blei bad ngi pynlip noh ia ka jingiadei jong ngi bad u Blei da ki jingbymkohnguh, ka jingialeh bad kiwei, ka jingbunkam, ka jing longlok bad ka pyrthei, bad kiwei kiwei ki pop.

KAEI KABA NGIN LEH HABA NGI SNGEW KUMBA U BLEI U IEINOH IA NGI:

1) Iathuh lut ha u Blei kaei kaba phi sngew lyngba ki jingduwai;

Theh noh ia ka mynsiem sha u Blei.Theh noh ia kawei pa kawei ka jingsngew ba phi don ha ka mynsiem.U Job u leh ia kane da kaba ong "Ngam lah ban shu sngap jar! Nga pisa ka mynsiem, nga kthang ka mynsiem."(Job 7:11)

2) Pynlleit jingmut ha kaei kaba u Blei u long-u bymjukylla;

kam pher la ki long kumno kumno ki jingsngew jong phi, snoh khak ha ka jinglong bymjukylla jong u Blei. Pynkynmaw ialade ia ka jinglong ba shisha bad jinglong bymjukut jong u Blei. Kum u Blei u ieit ia nga, u tiplut shaphang jong nga bad ia kaba nga iaid lyngba, u sumar sukher ia nga , u don ka plan babha na ka bynta jong nga.

           Lyngba ka jingim u Job ngin ia peit nuksa kaei kaba u Job u ong:

1. U Blei u long uba bha bad uba ieit. (Job10:12)

2. U Blei u long uba donbor halor baroh. (Job 42:2)

3. U tip biang biang ia kiei kiei shaphang jong nga. (Job 23:10)

4.U pyniaid ia kiei kiei baroh. (Job 34:13)

5. Un pynim ia nga. (Job 19:25)

3) Shaniah ba u Blei un pyndep ia ki kular;

Ha ki por ba tyrkhong ka jingim ba kynja mynsiem ngi dei ban shaniah ha ki kular u Blei. Ym ban phai sha ki jingsngew  bad jingsngewthuh lade. Wat nym pynkhuslai ialade da ki jingkhuslai, hynrei longkiba shaniah ha u Blei kumba u Job u long uba shaniah ha u Blei la katno katno ki wan ki jingeh, ki jingtynjuh, ki jingpang bad ki jingkhuslai ba ha rukom. "U Blei u lah ban pyniap ia nga hynrei ngan dang iai shaniah ha u." (Job 13:15)

4) Kynmaw ia kaei kaba u Blei u La pyndep lypa na ka bynta jong phi;

Watb lada phi sngew ba u Blei um shem leh eiei shuh na ka bynta jong phi ruh, hynrei kynmaw ia kaei kaba u la leh na ka bynta jong ngi da kaba aiti ia la u khun ba marwei jong u, u Jisu Krist  halor ka diengphna ba un ioh bah noh ia ki pop jong ngi. "Naba u Blei u ieit katta katta ia ka pyrthei katba u la aiti noh ia la u khun ba marwei jong u bad uta uba ngeit ha u Krist un ioh ia ka jingim bymjukut." (Ioannis 3:6)

U KRIST U LA AITI NOH IA KIEI KIEI BAROH KHNANG BA NGIN IOH IM KA JINGIM BA BYMJUKUT

BLEI UN KYRKHU

AMEN