Na ka daw aiu nga don hangne ha pyrthei ??

Ka jingwad ia ka jingthmu jong ka jingim ka la pynshaiong ia kiba bunbah ki briew da ki hajar ki snem.Ka daw jong katta ka long ba ngi ngi sdang na ka jaka ba bakla, katta ka long ba ngi sdang na lade.Bunsien ngi kylli tang ia ki jingkylli ba dei tang shaphang ialade, kum ka nuksa ngi kylli kum, kaei nga kwah ban long ? Kaei ngan leh bad ka jingim jong nga ? Kiei ki thong jong nga, ki jingwah jong nga, ki jingangnud jong nga ia ka lawei ?

Hynrei ban pylleit jingmut tang ha lade hi kan nym pynpaw satia ia ki jingthmu ka jingim jong ngi. Ka Bible ka ong, "Dei ka kti jong u Trai uba ba pyniaid ia ka mynsiem jong ki jingthaw baroh bad ia ka mynsiem u bynriew baroh."(Job 12:10)

BAROH KI SDANG BAD U BLEI 

Phim lah ban poi sha ka thong ne ka jingthmu jong ka jingim lada phi sdang na lade, hynrei ngi dei ban sdang bad u Blei, u Nongthaw jong ngi. Ngi don hangne dei namar ba u Blei u kwah ia ngi ba ngin don hangne. La thaw ia ngi da u Blei bad na ka bynta jong u Blei- bad lymda ngi sngewthuh ia kane ka jingim kan long khlem jingmut shisha. Dei tang ha u Blei kein ba ngi shem ia ka jingsdang, ka dur, ka jingmut, ka jingthmu, ka dor, bad ka thong jong ngi. 

La thaw ia phi da u Blei bad ka jingim ka long ban shah ia u Blei ban pyndonkam ia phi na ka bynta ki jingthmu jong u. Ka Bible ka ong, "Namar ka jingiamut brai kata ka doh ka long ka jingiap, hynrei ka ta ka jingiamut brai katta ka mynsiem ka long ka jingim bad ka jingsuk kein."(Rom 8:6)

PHIM DEI DA KA JINGJIA RYNGKHAT

Ka jingkha ia ngi iwei pa iwei kam dei tang da ka jingjia ryngkhat ne da ka jingbakla, bad ka jingim jong ngi kam dei ka bok jong ka mariang. Lehse ki kmie ki kpa jong ngi ki lah ban ym poi pyrkhat ban kha ia ngi, hynrei u  Blei um sngewkyndit ia katta.

Slem eh shwa ban pun ia ngi da ka kmie jong ngi, u Blei u la dep pun lypa ia nga ha ki jingmut jong u. Ula pyrkhat shwa ma u na ka bynta jong ngi. Kumta phim laong da ka jing jia ryngkhat. U Blei hi uba la thaw ia ngi bad u Blei hi un pyrkhat, un iarap na ka bynta jong ngi bad na ka bynta ki jingthmu ka jingim jong ngi."U Trai uba la thaw bad pyllong ia me naduh ka kpoh , bad ma u un iarap ia me." (Isaiah 44:2) 

Ka Jingrwai u Russel Kelfer ka ai jingmut bapura ia ka jingim jong ngi ba ngim dei da ka jingjia ryngkhat:

" Phi long uba phi long namar ka daw. Phi long ruh ka bynta ka plan bakhraw. Phi long ka dur baitynnad batithiang. B'la khot ki kynthei ne shynrang bakyrpang. 

Phi long kumba phi long namar ka daw. U Blei um bakla haba u la thaw. U Blei u la pynwandur ia phi ha ka kpoh. Phi long thik kumba u hi ula thoh.

Ki kmie ki kpa ula jied hi ma u. Kam pher kumno phi sngew. La thaw ruh ia ki kumba u Blei u la pyrkhat. Ki don ia ka muhor u Kynrad.

Toi, jingjynjar phi iashem kam long kaba jem. U Blei ruh u iam ba phi pang ka mynsiem. Ia dohnud ban saindur ka wan khnang ha phi. Phin san phin syriem ia ka dur jong u hi. 

Phi long ba phi long namar ka jingthmu, La ringdur ia phi da u diengduh jong u. Phi long ba phi long, namar jingieitbah ba shlei. Namar jingshisha ba u don te u Blei."

" Kiei kiei baroh la thaw da U bad ia U " ( Kolossai 1:16)

             

BLEI UN KYRKHU IA PHI KI NONGPULE