KHASI GOSPEL VOICES

  Kiei ki Kristan ba kynja doh ?? Ki dei ki briew kiba:- 1) Kiba shim thala ia ka kyrteng "Kristan"- Ka kyrteng kristan ka long kaba kynrei eh ha kine ki sngi, bad ban khot kristan ka long kaba jem shibun eh, namar ka kyrteng kristan ka la phriang eh ha kylleng ka pyrthei. Ki briew baroh ki sngewkmen bad sngew donburom ban khot ialade u kristan. Haba iakynduh sharum shaneng ngi shait kylli, phi long kristan ? bad ka jubab ka long hooid. Hynrei kaba sngewsih ka long ba ki briew ki jubab ia kaba kim long da kaba pynpaw ha ki kam ki jingleh man ka sngi. Ha iingmane ki phla ba ki dei ki kristan, hynrei shabar pat ki pynpaw ia lade ba ki long kum ki riewpyrthei hi. Kumta ki kristan ba kynja doh ki shu khot kai ia lade ki kristan bad ki pynllong thala noh ia ka Kyrteng Kristan. 2) Kiba shu kha ha ka iing kristan:-    B un kiba ong ba nga long kristan tang namar ba la kha ia ki ha ka iing kristan ne ka iing ba bud ia u Krist. Ka Bible kam shem la ong kumta, hynrei ka Bible ka o...

  Ka long kaba suk ban mane ia u Blei haba kiei kiei ki biang ha ka jingim jong ngi-ka bam, ki lok ki jor,ka iing ka sem, ka jingkoit jingkhiah, bad ka jingsngewbha ha baroh sawdong. Hynrei haba ki jingjia kim long kiba sngewtynnad lynter te ha kum katta ka por ngi kumno ngi mane ia u Blei?  Kaei kaba phi leh haba phi i kumba u Blei u jngai na phi?? Ka jingmane ba jylliew tam ka long ban mane ban iaroh ia u Blei hapdeng ki jingmong, ban ainguh ia u Blei ha ki por ki jingtynjuh, ban shaniah ha u hapdeng ki jingpynshoi, ban pyndem lut ha ki por ka jingshahshitom, bad ban ieit ia u wat la ngi i ba u jngai. Haba i kumba u Blei u long jngai, ngi lah ban sngew ba u Blei u bitar ia ngi lane ba u sympat ia ngi namar ka pop. Hynrei ha ka jingshisha ka pop ka dkhat noh ia ka jingiasyllok ba jylliew jong ngi bad u Blei. Ngi pynsngewsih ia u mynsiem jong u Blei bad ngi pynlip noh ia ka jingiadei jong ngi bad u Blei da ki jingbymkohnguh, ka jingialeh bad kiwei, ka jingbunkam, ka jing long...